Sri Narahari-Astaka of Sri Vaadiraja Tirtha

yaddhitaM tava bhaktaanaaM asmaakaM nR^ihare hare |
tadaashu kaaryaM kaaryajna pralayaarkaayutaprabha || 1||

raTatsaTogra-bhrukuTiikaThora-kuTilekshhaNa |
nR^ipanchaasya jvalajvaalo jvalaasyaariin.h hare hara || 2 ||

unnaddhakarNavinyaasa vivR^itaanana bhiishhaNa |
gataduushhaNa me shatruun.h hare narahare hara || 3 ||

hare shikhishikhodbhaasvaduraH kruuranakhotkara |
ariin.h saMhara daMshhTrogra-sphura-jihva nR^siMha me || 4 ||

jaTharasthajagajjaala karakoTyudyutaayudha |
kaTikalpa-taTitkalpavasanaariin.h hare hara || 5 ||

rakshhodhyakshha-bR^ihadvakshhoruukshha-kukshhividaaraNa |
naraharyakshha me shatrupakshhakakshhaM hare daha || 6 ||

vidhimaaruta-sharvendra-puurvagiirvaaNapuMgavaiH |
sadaa nataaN^ghridvandvaariin.h narasiMha hare hara || 7 ||

bhayaMkarorvalaMkaara varahuMkaaragarjita |
hare narahare shatruunmama saMhara saMhara || 8 ||

vaadiraajayatiproktaM naraharyashhTakaM navaM |
paThannR^isiMhakR^ipayaa ripuun.h saMharati kshhaNaat.h ||